ന്യൂഡല്ഹി: പാലക്കാട് എംഎല്എയും യൂത്ത് കോണ്ഗ്രസ് മുന് സംസ്ഥാന അധ്യക്ഷനുമായ രാഹുല് മാങ്കൂട്ടത്തിലിനെതിരായ ആരോപണങ്ങളില് പ്രതികരിക്കാതെ ഷാഫി പറമ്പില് എംപി. വിവാദങ്ങള്ക്കു പിന്നാലെ ഡല്ഹിയിലെ ഫ്ളാറ്റിനു മുന്നില് കാത്തുനിന്ന മാധ്യമങ്ങളെ കാണാതെ ഷാഫി ബിഹാറിലേക്ക് പോകുകയായിരുന്നു. ബിഹാറിലെ വോട്ടര് അധികാര് യാത്രയില് പങ്കെടുക്കാനാണ് തിരക്കിട്ട യാത്ര എന്നാണ് വിശദീകരണം.
To advertise here, Contact Us
വിവാദ വിഷയങ്ങളില് രാഹുലിനെ ഷാഫി സംരക്ഷിച്ചു എന്ന തരത്തില് കോണ്ഗ്രസിനുള്ളില് തന്നെ മുറുമുറുപ്പുകളുണ്ടെന്നാണ് റിപ്പോര്ട്ടുകള്. പാലക്കാട്ടെ ഒരു വിഭാഗം കോണ്ഗ്രസ്, യൂത്ത്കോണ്ഗ്രസ് പ്രവര്ത്തകര് ഇക്കാര്യത്തില് അസ്വസ്ഥരാണെന്നും പറയപ്പെടുന്നു. പാലക്കാട് നിന്ന് രാജിവെച്ച് വടകരയില് നിന്ന് ലോക്സഭയിലേക്ക് തെരഞ്ഞെടുക്കപ്പെട്ടപ്പോള് ഷാഫിയാണ് രാഹുലിനെ സ്ഥാനാര്ഥിയാക്കാന് നിര്ദേശിച്ചത്.
രാഹുലിനെതിരേ കഴിഞ്ഞ ദിവസം ആരോപണമുന്നയിച്ച എഴുത്തുകാരി ഹണി ഭാസ്കരന് രാഹുലിന്റെ സ്വഭാവ ദൂഷ്യങ്ങളെ കുറിച്ച് ഷാഫി പറമ്പിലിന് അറിയാമെന്നും, എന്നാല്, അയാളില് എത്തുന്ന പരാതികളൊന്നും എവിടെയും എത്താതെ പോകുകയാണെന്നും കുറിച്ചിരുന്നു.
0 Comments