ഒരുമാസം പ്രായമായ പെണ്‍കുഞ്ഞിന്റെ വയറ്റിനുള്ളിൽ 'രണ്ടുകുഞ്ഞുങ്ങൾ'; അത്യപൂർവമായ ഈ അവസ്ഥയ്ക്ക് പിന്നിൽ!

 ജനിച്ചിട്ട് ഒരു മാസം മാത്രം പ്രായമായ പെൺകുഞ്ഞിന്റെ വയറ്റിനുള്ളിൽ രണ്ട് കുഞ്ഞുങ്ങൾ. വളരെ അപൂർവമായി മാത്രം കണ്ടുവരുന്ന ഒരു അവസ്ഥയാണിതെന്നാണ് ശാസ്ത്രലോകം പറയുന്നത്. രൂപഘടനയിൽ പ്രശ്‌നങ്ങളുള്ള കുഞ്ഞുങ്ങളാണ് നവജാതശിശുവിന്റെ വയറ്റിലുണ്ടായിരുന്നത്. ലോകത്ത് നടക്കുന്ന അഞ്ചുലക്ഷം ജനനങ്ങളിൽ ഒന്നിൽ ഇത്തരമൊരു അവസ്ഥ വരാൻ സാധ്യതയുണ്ടെന്നാണ് വിവരം. ഇത്തരത്തിൽ ഇതുവരെ ലോകത്തുടനീളം മുപ്പത്തിയഞ്ച് കേസുകളാണ് റിപ്പോർട്ട് ചെയ്തിട്ടുള്ളത്.

റെഡ്-ലൈറ്റ് തെറാപ്പി മുതല്‍ നന്ദി വാക്കുകള്‍ വരെ; സാമന്തയുടെ ഒരു ദിനം തുടങ്ങുന്നത് ഇങ്ങനെ

കുഞ്ഞിന്റെ വയറ്റിനുള്ളിൽ രണ്ട് പാരസെറ്റിക്ക് ട്വിൻസാണ് ഉണ്ടായിരുന്നതെന്നാണ് പരിശോധനയിൽ വ്യക്തമായത്. ഫീറ്റസ് ഇൻ ഫീറ്റു എന്ന അവസ്ഥയാണിത്. ഇരട്ടക്കുട്ടികൾ രൂപപ്പെടുന്നതിനിടെ ഒരു ഭ്രൂണത്തിന്റെ ഉള്ളിൽ മറ്റൊരു ഭ്രൂണം അകപ്പെട്ട് വളരുന്ന അവസ്ഥയാണിത്. വയറിന്റെ ഏതെങ്കിലും ഭാഗത്തോ ശരീരത്തിൽ എവിടെ വേണമെങ്കിലും ഉള്ളിൽ അകപ്പെട്ട ഭ്രൂണം വളരുന്ന അവസ്ഥയാണിത്. വളർച്ച പൂർണമാകാത്ത ഈ ഭ്രൂണത്തിന് ശിശുവിന്റെ രൂപമുണ്ടാകില്ല. എന്നാൽ ചില അവയവങ്ങൾ, കൈയും കാലും, അസ്ഥിയുമൊക്കെ തിരിച്ചറിയാവുന്ന ഘടനകൾ ചിലപ്പോൾ ഉണ്ടായേക്കാം.